政情:公民講場:港台製作差收視低 梁家榮領導認真曳

因教育節目已停止製作,香港電台必須應教育局要求,今年九月前交回教育電視中心所在嘅大樓。雖然失去一間錄影廠,但對港台製作節目影響有限,商務及經濟發展局指,港台錄影廠平日嘅使用率只有五成,就算高峰期亦只不過七成左右,況且過去十年港台嘅經常性開支增加逾倍,論地方及資源已足夠製作節目。儘管有咁優厚嘅條件,港台節目製作依然水平一般、收視率差,廣播處長梁家榮都可謂領導無方啦。

第一手消息請下載on.cc東網iPhone/iPad/Android/Windows Phone Apps