江山氣度，風月情懷。男人中有幾多咁嘅極品吖！呢，通常都係胡思亂想發白日夢居多：搭錯尾班車，希望巧遇鄰家好姐姐！而女人雖然多愛幻想，不過都係現實居多：一屋在手，點都勝過口頭話一生陪着你走！
其實，計功夫茶話齋，男人女人，有麝自然香！有道是：栽下梧桐樹，自有鳳凰來。好嘢自然多人欣賞，正嘢自然大把人讚。東網創新猷嘅「繽FUN星網」一推出，最新最強娛樂消息不斷送上，睇過嘅讀者無不叫好，影像凌厲，主播生鬼，絕對唔係吹水，有關星網集合讀者至愛兩大平台「東網巨星」和「東網生活」融為一體，雙劍合璧為讀者帶來嶄新升級體驗，唔好話引來鳳凰，仙鶴都飛來拍翅齊鼓掌喇！
嗱！據稱大神學家馬丁‧路德一生多姿多采，此君不修邊幅，不愛僧裝愛俗裝，死後有人喺佢房間發現咗兩行詩：誰不愛醇酒、美人、高歌，一生就會是傻瓜一個。阿哥，千祈咪搞錯，馬丁路德金呢位人權主義者就話「我有一個夢」，少咗「金」嗰位馬丁係德意志神學家，佢或許冇夢，似乎愛食人間煙火多啲，大家唔好「馮京作馬涼」，以為功夫茶又老屈「名人金句」，逼人食死貓噃！不過呢位馬丁又講得啱喎，若然有好嘢正嘢仲要唔使錢，一按猛片就播不停，極盡視聽之娛，唔睇都係傻瓜一個啦！
各位街坊，且聽功夫茶略為大家推介，東網新版面將以影片掛帥，讀者點擊第二層menu bar上嘅「繽FUN星網」按鈕後，即可睇到最快最新嘅影片內容；「繽FUN星網」為讀者推薦最強娛樂及消閒影片，永遠快人一步，讀者只要打橫掃，就可以觀看更多精彩內容；呢，東網設計務求照顧各類讀者需求，讀者只要往上推，即可瀏覽文字內容，方便快捷。系統預設觀看「總覽」，讀者如想分門別類，直接瀏覽「娛樂」或「生活」內容就是。一句講晒：方便用家，認真窩心！
抗疫期間，生活有時都真係幾沉悶，大家不妨喺「繽FUN星網」重拾失落久矣嘅笑聲歡顏，人生苦短，笑要及時！有關星網自家製節目，「繽紛主播系列」你又點可以失諸交臂？幾位年輕漂亮嘅繽FUN主播幽默又搞鬼，功夫茶強力推介「繽FUN主播室」、「繽FUN劇場」，主持可掬嘅笑容，抵死嘅對白，令你每天笑一笑，世界更美妙！
「繽FUN星網」常在手，嶄新娛樂消閒我擁有！品味人生細嘗生活，點可以唔睇「東網APP最新版本」！讀者只要按一下「立即更新」鍵，畫面即時轉至「Play 商店」或「App Store」更新介面；未安裝東網APP嘅讀者，立即掃描右方QR Code，一個繽FUN無限嘅歡樂世界等緊你去盡情享受！