政情：油尖旺區會談六四 政府代表離場

有區議員喺會上提議，希望喺位於旺角嘅六四紀念館增設示威區，要求警方加強保障，到開始討論六四事件嘅時候，余健強話議程唔符合區議會職能，之後就起身走人，秘書、所有政府部門嘅官員同警方代表亦跟住離開會議室。

表明不符合區會職能

油尖旺區議會副主席、公民黨區議員余德寶接受查詢時話，余健強曾喺會議期間，兩度表明議程唔符合區議會職能，又話區議會本身並無將有關六四事件納入議程裏面。余又話因為會議仍然進行緊，所以佢哋冇追出會議室。

另外，屯門區議會尋日晏晝召開特別會議，副主席黃丹晴喺會議開始前代表十八區區議會嘅民主派議員讀出口頭聲明，反對「港版國安法」。屯門民政事務專員馮雅慧認為有關聲明唔符合區議會職能，決定唔會參與討論，其後同樣與區議會秘書處職員一齊離場。