政情：公民講場：塌樹傷人響警號 黃偉綸又等運到

近日又發生塌樹擊傷途人事件，又再響起警號。仲記得強颱風「山竹」襲港，吹塌好多樹木，事後發展局補鑊，話會加強監察樹木，樹木辦話會加入無人機覆檢由各部門管理嘅樹木，檢測路旁樹木嘅安全情況，但要到明年風季前先引入，至於喺樹底安裝感應器實時檢測樹木傾斜度，防止樹木現倒塌危機，成效係點呢？風季又嚟緊，令人擔心塌樹又變都市炸彈，局長黃偉綸唔好又等運到，要加緊防禦，咪搵市民條命較飛。