踏入三字頭，對女人嚟講係一個重要嘅心理關口，因為好多女士覺得過咗30歲都仲未嫁得出，好大機會成為老姑婆！不過，佐佐木心音就唔係咁諗，喺佢眼中，嫁唔嫁得出根本唔Care，能夠趁機發圍，令事業再次起飛先係重點！
七年之癢，相信好多男士都試過，原來索女都有呢個問題，好似今日介紹嘅主角佐佐木心音，喺忍咗七年之後，終於要爆喇！千祈咪誤會，阿妹唔係走咗去搞不倫之戀，而係推出新寫真集。原來心音已經踏入30歲，但睇番佢個樣同氣質，同十年前初出道嗰陣冇乜大分別，不但可愛俏麗，瞇起雙眼嘅時候，更加係淫意暴增，難怪被稱為「最色情胴體」啦！身材方面，生得高挑嘅心音，擁有一對長腿，胸前對E奶又夠彈性，加上個美尻，每每能擺出挺胸翹臀嘅姿勢，真係極度誘惑。
由於天賦出眾，佐佐木心音一出道已經以寫真女優為主要發展方向，而且佢嘅寫真碟好多時都能夠喺網購平台躋身銷售榜第一位，但阿妹嘅才華又豈止於此呢！除咗好積極爭取拍戲，更為藝術犧牲，瞓身一脫作三點盡露演出，因而喺電影圈彈起。另外，心音好醉心音樂，曾經同阿媽佐佐山裕子組成母女檔組合「CO906.」，仲被委任演唱長野縣飯田市形象歌《りんご並木》。最近，心音決定回歸寫真界，隔咗七年再推出寫真集，作品就叫做《夜想曲に抱かれて》（被夜曲擁抱），想一睹阿妹嘅「最色情胴體」有幾堅挺，就唔好錯過喇！
佐佐木心音一直醉心音樂，平時最鍾意就係同阿媽一齊Jam歌，又彈又唱，想欣賞一下心音嘅歌藝，可以多啲留意佢嘅社交網。
網址：https://twitter.com/kokone_sasaki
年齡：30歲
身高：5呎6吋
三圍：35-23-34
撰文：賢