政情：潘佩璆斥港官怯於西方淫威 怕懲處披着民主外皮暴徒

有權力唔敢用

潘佩璆日前喺社交平台貼文評論「賣國」試題，話相信世界上再冇一個學術機構會設計咁惡毒傷害自身所屬民族、國家感情嘅試題，跟住再引伸到香港亂象。佢批評整個政府唔單止怯於西方話語權嘅淫威，又覺得自己嘅權力來源冇正當性，因此根本唔敢用權，甚至唔敢主導教育、唔敢硬碰反對派，唔敢懲處披着「民主」外皮嘅暴徒，因為班官員喺內心深處自慚形穢，甚至「身在曹營心在漢」。

外界一直批評外國勢力干預香港，潘佩璆直指西方勢力出盡吃奶之力，要利用香港傷害中國，西方勢力及其代理人妖言誑語，蠱惑人心，令部分港人甘受利用，不斷破壞自己家園。睇佢咁講，港府需要為亂局負上好大責任。