政情：楊哲安違泊斷正 三粒鐘兩食牛肉乾

身為公職人員，竟然唔以身作則，咪以為偷雞過到骨先得o架！Jeremy喺Fb認衰，話係一時大意，仲話法律面前人人平等，仲話欣賞警方嚴厲執法，而佢亦吸取教訓，唔會重犯喎。

轉頭話反映山頂違泊嚴重

轉過頭，佢話呢次啃「牛肉乾」，反映山頂區違泊問題嚴重，近月嚟都冇改善，所以佢已去信警方要求全力打擊山頂區違泊問題，用同一把尺度，嚴厲執法。之後，佢仲話山頂違泊嘅車，大部分都屬於區內居民或其朋友嘅，所以佢希望大家將心比己，做一個盡責嘅鄰居，唔好違泊，影響道路使用者同居民。

山頂違泊嘅問題唔係今時今日先出現，Jeremy作為當區區議員，竟然撞咗板先發現違泊冇改善，點講都講唔過去，嚴格嚟講係失職呀！