政情：公民講場：跨境童檢疫措施 楊潤雄仲未諗掂

隨着本港疫情趨向緩和，各中小學將今個月底開始分階段復課，不過有關復課嘅問題，好多都未解決。譬如中港兩地唔同嘅檢疫措施同關口開放安排，對跨境學童而言屬一大障礙。教育局局長楊潤雄話目前正研究簡化相關措施，如兩地互認健康證明，但整體安排需總體考慮，又要兩地「坐低嚟研究」咁話，之但係一講到商討進展，楊就未有透露，又話未必喺復課前有定案喎。其實呢啲問題唔盡早解決嘅話，隨時會令到跨境學童延誤上課時間。楊潤雄真係唔好懶懶閒，要快啲的起心肝諗吓解決辦法。