疫情導致百業蕭條，無論老闆抑或受薪族，都要勒緊褲頭過日子。就連以「鐵飯碗」著稱嘅公務員，其代表工會香港政府華員會，尋日指經濟受到嚴重衝擊，當局須審時度勢，作出明智決定，因此建議全體公務員於二○二○至二○二一年度凍薪，作為公務員面對社會經濟下行嘅分擔。反觀薪酬優渥嘅特首及其一眾司局長官員，早前無視水深火熱嘅經濟狀況，執意要逆市加薪，直至民意鼎沸，先至宣布減薪一成，為期一年。相較於前線公務員都識得自動自覺，公務員事務局局長聶德權能不汗顏？
