高風險工作嘅定義，可能因新冠疫情而重寫。香港大學感染及傳染病中心總監何栢良指，新冠病毒傳染力強，有大量科學證據顯示，部分確診個案係於高危嘅工作場所中招，而全球就有數萬名醫護受到感染。佢認為政府暫時禁止健身室、美容院及酒吧營業，證明喺呢幾類場所工作屬於高危，有關場所嘅員工亦應視為從事高風險工作。不過政府一直未有將新冠肺炎列為職業病，實在喺冥頑不靈，何批評呢個防疫污點，政府唔應該視而不見。
