川津明日香美顏美尻多人爭

散發少女味

唔知大家有冇發覺，無論係AV界抑或寫真界，經常都會以女優有巨乳或巨籮作招徠，彷彿身材唔夠誇，吸引力也大打折扣！其實，以往有好多女優都唔係靠激凸身材而上位，就好似經典級AV女優小澤圓，又或者係經典級寫真女優小倉優子，兩位萬人迷嘅身形都以勻稱順眼見稱。最近寫真界出咗一位超新星，條件同優子相當接近，相信好有機會喺業界發光發熱，佢嘅名字就係川津明日香。現年20歲嘅明日香，樣貌清麗脫俗，充滿少女味，一見到佢嘅笑顏，心裏面不期然湧現一種甜絲絲嘅感覺。身材方面，明日香屬於纖巧型，仲帶點高挑感，上圍唔算細，屁股則圓而上翹，可以話係上乘美尻。

監製都做埋

相信唔少朋友好似小弟一樣，見到明日香嗰副明星相，都會暈晒大浪，所以好多藝能事務所都睇好阿妹，深信佢日後踏足藝能界會前途無限，但勢估唔到有8間事務所同一時間睇中佢，爭住簽佢為旗下藝人，認真威過威士忌！2014年，明日香就以模特兒身份登場，兩年之後開始拍戲同拍劇，劇集作品包括《砂之塔~知道太多事情的鄰居》等等。今年初，明日香正式成為寫真女優，將自己嘅青春胴體進一步展露畀大家欣賞。除咗幕前演出，明日香亦有做幕後工作，仲係做監製添！做咗多年時裝模特兒嘅明日香，相當有潮流觸覺，所以就有時裝品牌搵佢做監製，負責製作時尚服裝系列，阿妹你咁多瓣數，點夠你撈呀！

社交網站

自從投身寫真女優行列以來，明日香好投入拍攝工作，表現積極，佢亦經常將寫真照放上社交網騷哥利，慰藉一眾粉絲。

網址：https://twitter.com/asuka_kawazu_?lang=ja

川津明日香

年齡：20歲

身高：5呎4吋

三圍：32-22-32

撰文：賢