香港浸信會聯會尋日公布新一屆常務委員會選舉結果，會長職位由曾發表支持反修例示威言論嘅牧師羅慶才連任，擊敗對手大埔浸信會退休主任牧師朱活平。喺新一屆常務委員會嘅七個席位中，只有新任第三副會長張啟明係來自朱嘅團隊成員。
話說羅舊年六月曾發表聲明撐反修例示威，惟聲明發出前一日，有六十九名浸聯會理事聯署指「對社會議題發表立場聲明並不尋常」，要求擱置發表聲明，聯署嘅人士當中包括剛當選嘅張啟明。
今次換屆選舉中，由羅慶才帶領嘅六人團隊，受到由朱活平為首嘅七人團隊挑戰。據悉羅最終以二百票之差，擊敗朱連任會長，而羅嘅團隊亦全數當選。