公營房屋以至私人屋苑落成量一直遠遜預期，令樓價長期高企，市民亦上樓難，政府就歸咎係冇地起樓。房協行政總裁陳欽勉尋日被問到疫情受控之後，係咪適合時間再研究發展郊野公園邊陲地帶，佢就話任何能夠增加土地及房屋供應嘅方案都值得社會以開放態度共同商討咁話喎。講咗等於無講，可能因為環保人士大力反對開發郊野公園邊陲地帶，佢唔敢踩地雷，費事講多錯多喇！
