政情：公民講場：楊潤雄焗住開考 文憑試生想逃跑

受到疫情影響，外界好關注DSE係咪會喺月底如期開考，教育局局長楊潤雄嘅取態睇嚟係好想開考，但班考生就唔係咁諗喎，有調查結果顯示，唔想如期開考嘅比率好高，其中一個理由係信唔過考場嘅衞生安排。好明顯班考生係對教育局投不信任票。鬼咩！政府抗疫慢幾十拍，班考生要冒住生命危險去試場博一鋪，博贏就話啫，博輸咗，大家都知會點！楊潤雄真係要諗清楚，唔好搵班考生較飛。