政情:公民講場:社區傳播鏈未斬斷 疫情稍緩 勿放鬆住

本港新冠肺炎確診個案數字近日有回落趨勢,前日新增十三人確診,係三個幾星期以來最少嘅一次,不過復活節假期就迎嚟挑戰。香港大學感染及傳染病中心總監何栢良就勸喻市民「千祈唔好開心得太早」。佢解釋,因為喺新增案例入面,依然有酒吧群組嘅確診者,喺社區嘅傳播鏈仲未被阻斷,而且傳播已經持續大約一個月,佢認為本港防疫成果「唔穩陣」。話口未完,尋日下午公布嘅最新確診數字就有十六人確診,真係唔到你唔信,睇嚟大家應該聽話乖乖哋留喺屋企好過喇!

第一手消息請下載on.cc東網iPhone/iPad/Android/Windows Phone Apps