中環出更：抗疫基金打尖上財會 陳健波冀盡早通過

陳健波話早前反對派議員阻撓公務員加薪嘅撥款申請，拖咗好耐先獲得通過，佢希望反對派唔好再阻撓，盡快通過抗疫基金。

沙中線追加撥款會議取消

至於工務小組委員會喺下星期三（15日）嘅會議就被迫取消，當日原定討論沙中線工程追加撥款申請，但主席盧偉國考慮到疫情最新發展，最終取消會議。當局雖再三強調沙中線追加撥款非常緊急，依家又要拖多一個月，睇嚟當局只有乾着急嘞！

另外，有三個委員會嘅會議亦告延期，包括民政事務委員會喺下星期二（14日）、下周四（16日）召開嘅保安事務員會會議。而研究幼稚園、中小學教科書及教材編製小組委員會則由下周五延至廿八日。民政事務委員會主席劉國勳尋日話因疫情影響，下個禮拜基本上只會召開同疫情有關或緊急會議。意味住鐵路事宜小組委員會同長期護理政策聯合小組委員會亦會延期。

劉又話民政事務委員會本來討論青年宿舍同遊樂場地規例有關嘅議程，雖然會議一再延期，相信仍趕得切，因就算委員會通過到嗰兩個議程，都要再交工務小組委員會再討論。

卓妮