焗爐當食材櫃 外傭誤觸掣惹火
【本報訊】焗爐當儲物櫃，港式獨特收藏法？家居空間有限，廚房食材雜物都要佔用不少地方。有僱主就選擇將食材放入焗爐內收藏，不過卻因外傭抹地時，誤觸開關，令爐內食材着火冒煙，僱主憤怒下，在網上狠批外傭，「係咪傻o架？」不過網民知道來龍去脈後，反質疑僱主「你一啲責任都冇？」
該名僱主日前在Facebook群組「僱主工人姐姐互相討論區」上載片段及貼文，文中指「好×嘢，外傭日日有新嘢，今日整到我屋企火災，全屋出晒白煙……若無其事去抹嘢完全冇諗過整熄……係咪傻o架」。片段所見，焗爐內冒出大量白煙，但爐內並非一般正烹調的食材，反而是大包細包未拆包裝袋的食材，部分則被移出爐外。
網民質疑「唔用又插電掣」
不少網民好奇爐內存放了甚麼物品，僱主再留言解釋，焗爐已經不再使用，用作存放麥皮、冬菇等食材。事發時外傭在地下扭毛巾，背脊觸碰焗爐開關掣，令焗爐啟動。僱主最後更補一句：「千叮萬囑佢去廁所扭毛巾，懶到爆！」
不過僱主的控訴似乎得不到網民力撐：「唔用又插電掣咁風趣？」「又唔熄掣，真係低×能」，「點解講到自己一啲責任都無咁」。亦有人將焦點放在僱主拍片的行徑， 「唔去救火反而拍片，咁做算唔算正常？」