因應疫情，政府再次實行公務員在家工作安排，仲話呼籲私人企業跟隨添！之但係有議員踢爆話只係有部門要求員工分批上班，或將每人每周嘅工作日減至三至四天。換言之，即係同樣會有好多公務員喺同一地點聚集辦公，亦都容易染疫，梗係鬧爆政府喇！咁嘅安排簡直係亂嚟，唔通公務員事務局都係唔緊急嘅部門，局長羅智光都可以在家工作，所以就懶理其他同事承受嘅風險？真係唔摑醒佢唔得呀！
