政情：鄭松泰提醒坐船慎防褲變色

接投訴漂白水殘留座位

咁到底點解條褲會染咗橙色呢？鄭松泰話事主曾經向船公司查詢，知道原因可能係因為清潔工用咗過量嘅漂白水殘留喺座位所致。

鄭話雖然事主好無奈，亦明白船公司加強清潔係對乘客負責任，但希望提醒居民搭船嘅時候小心出入，坐之前最好抹一抹張櫈。佢又話將會去信船公司提醒員工使用適當分量嘅清潔用品，並協助事主追討相關損失。

其實，喺疫情下大家加強清潔同消毒，保持衞生無可厚非，但係就要小心啲，例如漂白水要稀釋先得，唔好適得其反。