政情：鄧以海巡港珠澳大橋 第3度為海關義工打氣

政府為加強檢疫措施，尋日凌晨開始，規定由澳門返香港嘅市民要接受強制檢疫十四日，好需要大批義工幫手，喺各口岸提供協助，防止走漏眼，海關同事當然義不容辭，齊齊到唔同嘅口岸擔任義工。海關關長鄧以海見同事咁落力，當然大力支持啦，尋日下午四點就到港珠澳大橋口岸，了解吓啲同事點樣協助衞生署執行同分派檢疫令。