探射燈：經濟家庭壓力 長者賭海沉溺

50歲以上被裁員趨增 迷失方向

「冇工開就去賭錢，而且佢哋本身經濟環境唔好，依家冇收入，希望賭錢以小博大。」路德會青亮中心主任周雅瑩指，不少五十至六十歲的人士本身從事服務性行業，疫情下因經濟欠佳而被公司裁減。「其實佢哋情緒都好低落，畀人炒之後冇晒收入，有啲人可能本身仲有欠債未還清，好大生活壓力，所以走咗去地下賭檔，想博一博。」

根據該中心接獲的求助數字，六十歲以上長者去年佔全年個案約四成，但近這兩個月五十至六十歲的個案明顯上升。「佢哋都有個共通點，就係同家人關係唔好，或者因經濟問題同家人有衝突，因而轉向去地下賭檔消遣，另一方面想尋求認同，以為可以識到朋友。」周指政府應大力打擊非法賭博，相關部門亦應該加強長者服務，進行賭博教育，宣揚沉迷賭博的禍害。