政情：公民講場：防疫物資人人爭 劉怡翔搜購咪疏懶

咪以為新冠肺炎確診個案下降，就代表疫情好快完結，有專家話唔會完，喺年底前仲要戴住口罩，甚至去到冬天又會有輸入個案，而衞生防護中心嘅官員亦話可能會變做「嚴重流感」等疾病處理。換言之，防疫嘅設備持續要用，財經及庫務局局長劉怡翔多次話政府採購口罩有困難，唔該佢快啲搜購做儲備，唔好等運到，若果將來再重蹈覆轍，市民冇罩用，肯定唔會放過佢。