綠色先鋒：設隊長訓練班 理論實習兼備
為了舉辦更多活動，「清徑先鋒」創辦人李正特意為團體設隊長訓練班，希望各隊長可以帶更多山友義工到不同地方清理垃圾，「好早期我同另一個都有經山藝訓練嘅山友帶隊，一星期一次都尚可應付，但之後愈來愈多成員，都想一星期可以行多幾次，所以就訓練一啲平時參與得比較多，體能好又有領導質素嘅成員做隊長帶隊。」
學急救應付不時之需
Ivy去年參加了隊長訓練班，經過四堂理論課、兩堂實習課，以及考試之後，成為了清徑的隊長。「每一次活動前，我哋都會先評估山徑嘅難度係幾多星，再去同參加者講解要注意嘅地方。」Ivy又指，活動會有至少兩個隊長，一頭一尾「包抄」，「我哋會確保山友嘅安全，睇住每一位，另外訓練班都會教到我哋急救知識，每個隊長都會隨身有一個急救包，以備不時之需。」