中環出更：漢奸黎現身機場 離港避疫？

疫情肆虐，市民怕被傳染而唔敢出街，市面上亦冷冷清清。不過漢奸黎就一於少理，繼日前肆無忌憚咁周圍走之後，尋日又繼續四圍去喇！大約十一點半左右，着住西裝外套、運動褲嘅漢奸黎戴住口罩，同家人乘搭由司機駕駛嘅私家車，離開位於何文田嘅寓所。

最初佢哋去咗九龍城啟德道嘅一間潮州菜館，但去到又唔落車，之後就過海去灣仔駱克道嘅一間潮州菜館，先現身落車步入餐廳，唔知係人滿冇位食，定係摸門釘呢？

與親友聚餐 有人唔戴口罩

食完飯大約一點四十五分左右，漢奸黎就同家人離開餐廳，原來佢仲約咗幾個親友嘅，當中有幾位親友仲冇戴口罩添！食完餐飯，佢就先行上番私家車，等埋家人上車就直接去咗機場。

抵達機場後，見佢同家人拎住兩個大、兩個細嘅行李篋，而佢就孭住背囊，唔知佢哋飛去邊？之不過，依家愈嚟愈多國家都封關，日前更有港人滯留越南。依家咁立立亂，漢奸黎仲有心情去旅行？定係想避開疫情咋！

卓妮