七人車泊街石屎直插 幸無人受傷

網民：嚇餐死

網民衞期理在Facebook群組「巴打絲打 Facebook Club」發文，事發在當日下午一時二十分，現場是深水埗汝州街。從附圖可見，石屎「豎立」在七人車上，看上去已經插穿車頂，場面側目之餘，也不禁讓人為車主肉赤。貼文解釋事發情況指，是「高空降石屎」打中車頂，好在並沒有人因此受傷。

網民看過貼文後，直呼泊街危險，又為車主賠償擔心，「係咪嗰棟樓所有業主夾份賠番畀車主」；有人則調侃石屎豎在七人車頂，看上去像是「獨角獸」；亦有網民指從另一角度看：「可以免費換車，不過嚇餐死」。