政情：公民講場：做真漢子定流眼淚 劉業添陳肇始累鬥累

武漢肺炎蔓延至本港，有醫護人員發起罷工要求政府盡快全面封關，堵截患者湧港。食物及衞生局局長陳肇始尋日出席電台節目時，就話自己好關心醫護人員，講講吓仲流埋眼淚，但始終冇回應封關問題，唔知係咪諗住流兩滴眼淚博同情就過到骨呢？其實陳肇始又唔使咁傷感嘅，事關將軍澳醫院及靈實醫院行政總監劉業添日前就話「人終歸都係一死」，係咪想叫醫護人員做個「真的漢子」就唔知喇，但事後佢都為其言論惹來誤會致歉。