政情：陳智遠寸爆政府：邊關比難關易過
持續近八個月嘅反修例風波已嚴重打擊本港經濟，點知近日再有武漢肺炎夾擊，曾任食物及衞生局局長政治助理嘅陳智遠就話，去年公司業務已受影響，二○二○年武漢肺炎來襲，打擊更大，原本排得幾滿嘅工作日程一下子又全面停頓，再咁搞法唔執笠都偷笑咁話。佢又提到依家都冇辦法，只能逆來順受，「關關難過關關過」，仲話「除左(咗)我們邊境關口還是很易過」，擺明寸爆政府唔回應封關訴求喇。
修例風波疫情雙重打擊 業務受壓
陳日前先喺社交網站發貼文批評政府處理反修例風波期間，摧毀咗社會互信基礎，令政府抗疫時無晒「底氣」同公信力，市民唔願意配合同體諒政府行動，社會好難再團結一致抗疫。尋日佢再發貼文，話喺修例風波同武漢肺炎雙重打擊下，唔少行業正步入生死存亡之秋，佢創業踏入第七年，都未試過經歷如此困難嘅經營環境，而疫症嘅衝擊比去年社會動盪更加徹底，預計都要守一段長時間喇。
雖然陳嘅公司業務面對難關，但都不忘寸爆政府，可見現屆政府係幾咁不濟喇。