劏房嘅環境惡劣，更不時有居民投訴被濫收電費同水費，有劏房戶更聲稱水費價超過正常水費四倍，即係又劏啲住戶喇！最離譜嘅係水務署設立咗濫收水費投訴熱線，但成立咗年幾，獲受理嘅個案係零，被批評係形同虛設。話時話，啲投訴個案真係全部冇理據同唔成立？咁就真係要署長黃仲良攤份投訴資料出嚟睇吓先知喇，若果發現署方只係整條熱線出嚟敷衍市民嘅話，就等如署方縱容「劏上劏」嘞！
