政情：梁美芬推「防疫三寶」 叫政府全民派發
武漢肺炎擴散殺到香港，市民真係要加倍小心。立法會議員梁美芬尋日開開吓記者會，就突然攞咗啲口罩、酒精搓手液同漂白水出嚟，話係「防疫三寶」，仲話政府應該派畀市民添！
口罩酒精搓手液及漂白水
梁美芬話「防疫三寶」會喺全港各區派發，佢仲即場倒搓手液，示範正確清潔雙手嘅方法。之後佢就落區，話開設「N合一」街站，事關唔單止向市民派發防疫用品，兼派埋揮春同佢嘅工作報告。臨近農曆新年，佢仲祝人人都身體健康，香港、國家乃至全世界都有驚無險，遠離禍患。
依家市民人人自危，好驚中招。梁美芬話呢批防疫用品喺三個星期前訂嘅，訂咗幾多貨就冇講嘞！