政情：劉國勳減磅 退出政制事務委員會

喺區議會選舉落敗，變番「單料議員」嘅阿勳，喺信入面話鑑於議會工作安排有所調整，經思量後決定退出。佢回覆查詢時就話今個年度加入咗十個事務委員會，怕公務繁忙未必樣樣兼顧到，而自己作為民政事務委員會主席，有責任擺番多啲精神時間落去，考慮到實際工作情況，就惟有退出啦！不過，佢話雖然退出咗有關委員會，但仍然會繼續留意政制議題，偶然發表吓意見咁喎。

尹兆堅獲加入工務小組

有人退會，亦有人要求入會。好似民主黨議員尹兆堅（肥尹）早前逾期申請加入工務小組委員會，由於佢上次開會遲到，建制派話想聽佢解釋吓先，可能係想攔佢加入嘞，而工務小組今日開會，竟然冇建制派阻撓，佢順利加入小組委員會嘞！