政府日前推出十項解困措施，政務司司長張建宗尋日解畫，辯稱呢啲措施唔係小恩小惠，又話現屆政府任期啱啱過咗一半，依家正踏入下半場，強調政府會作最後拚搏，改善民生。老實講，班高官喺上半場已經五勞七傷，而修例風波仍然持續，叫高官下台之聲不絕，加上解困措施最快明年先實施，根本遠水救唔到近火，喺推高民憤之下，唔知有幾多高官能夠踢到完場，張建宗係咪太天真呀？
