政情：八網難逃：楊雪盈同Billy咀嘴 戀情曝光？
好多人都希望喺新一年行桃花運，灣仔區議會主席楊雪盈（Clarisse）早前喺Facebook貼文「當Billy Yeung遇Clarisse Yeung」，仲有咀嘴相添！莫非佢有戀情？Billy係乜水呀？
原來係流浪羊 喜獲收留
其實Billy係一隻六個月大嘅BB羊，見佢哋含情脈脈咀嘴，場面夠晒溫馨。浪漫邂逅嘅背後，Billy曾係流浪羊，早排喺公路上被發現，獲位於元朗錦田馬鞍崗、提供短期寄託服務同安排領養流浪動物嘅慈善機構阿棍屋收留。Clarisse仲話Billy嘅羊屋喺正中心門口，一入去就會見到佢笑騎騎，好似一個人見人愛嘅接待員。
佢又大讚阿棍屋負責人Ivy昔日拯救咗唔少動物，令佢知道社會上仲有好多關注動物權益嘅同路人，所以佢嚟緊會繼續喺社區同區議會入面，推動更多保護動物生命嘅政策，希望市民支持。