政情:擺街站遭市民鬧「大話精」 長毛𤓓爆

每年臨近農曆新年,唔少團體都會喺維多利亞公園擺攤位,賣吓嘢、寫吓揮春。但有團體尋日擺攤位嘅時候,就畀市民大鬧「大話精」喎,究竟做錯乜嘢,搞到市民咁唔畀面呢?

話說社會民主連線嘅梁國雄(長毛)同吳文遠擺街站時開咪講嘢,其中吳文遠話希望市民放下黃藍之爭,唔好因為政治問題,搞到家庭破碎。佢又話今年市道唔好,冇人競投年宵攤位,所以社民連就租咗兩個位,仲聲稱會整連儂牆添!

號召市民上街 被叫「收皮」

其後長毛提醒大家過年唔好忘記被捕手足,聲稱大年初三會號召市民上街,反對警方加薪,又指現場攤位設有反對警察加薪嘅聯署活動,希望大家參與。點知,有市民行過,對住長毛大鬧「收皮啦!大話精!」搞到場面一度尷尬,長毛就回應「會繼續抗爭到底。」睇怕都係唔知衰啦!

第一手消息請下載on.cc東網iPhone/iPad/Android/Windows Phone Apps