政府早前宣布新一輪企業支援措施，會向運輸業界提供為期六個月嘅燃料補貼或一筆過補貼，其中的士同小巴司機喺石油氣站入氣每公升可以減一元，一個月都慳到幾百元嘅。立法會交通事務委員會副主席陳恒鑌就話，過去七個月嘅暴力衝突堵塞各區交通，好多司機都冇工開，而且補貼最快都要下半年先推出，睇怕唔少公司等得嚟都關門大吉，趕住等政府救命都要等咁長時間，真係叫做有補貼好過冇喎！
