公營房屋嚴重短缺，政府推出過渡性房屋畀輪候公屋嘅基層市民，兼且加碼到未來三年提供一萬五千個單位，之但係有組織做咗個研究，發現過渡性房屋有局限同唔穩定性，例如唔能夠保證續租同缺乏公平及統一入住機制等，叫政府唔好當咗過渡性房屋係唯一嘅靈丹。老實講，等緊上公屋嗰條隊有二十幾萬人，過渡性房屋數目咁少，可以話只係用嚟止咳，關鍵仍然係要起多啲公屋，唔該運輸及房屋局局長陳帆唔好畀個假象市民嘞！
