中環出更：周浩鼎郭榮鏗爆真口水戰

怒斥反對派與產婦為敵

周浩鼎呼籲市民睇清楚反對派嘅真面目，由詳細解釋內會停擺嘅理由，慢慢講到郭榮鏗用盡內會主持嘅力量，非常厚顏咁喺開會嘅時候話要畀全部人發言，實質就係冠冕堂皇去呃人，配合反對派阻止內會進行，搞到內會唔可以成立法案委員會審議延長產假等草案。周浩鼎仲愈講愈激動，七情上面不在話下，可能後尾太激氣，連一大滴口水都噴埋出嚟，可謂係口沫橫飛，但佢就似乎注意唔到。

但周浩鼎咁猛烈嘅攻勢都阻止唔到郭榮鏗，郭榮鏗發言期間仲要鬧埋立法會主席梁君彥，話梁飯又冇得食、廁所又冇得去，因為佢嗰班豬一般嘅建制隊友唔夠勤力去開會，仲話只要在任主席李慧琼加開特別會議，就算由夜晚八點開到朝早八點，星期六日開埋會佢都奉陪到底喎。

立法會被嘲為「口水會」大家都知道，但希望班議員都注意個人衞生，唔好噴口水啦！

卓妮