「啱啱新聞講緊武漢的病毒性肺炎，跟住又話流感肆虐，真係雙重夾擊，我哋公司都要加強環境衞生措施！」陳經理聽完新聞就跟同事說。李主任回答︰「好在同事全部打咗流感疫苗！」陳經理說︰「咁都不能掉以輕心！因為流感疫苗唔係用作預防武漢病毒性肺炎，所以做好個人衞生，勤洗手對預防感染好重要o架！」
李主任自信表示︰「洗手時用梘液和清水清潔雙手，搓手最少廿秒，用水過清並用抹手紙或乾手機弄乾。如沒有洗手設施，或雙手沒有明顯污垢時，使用含百分之七十至八十的酒精搓手液潔淨雙手亦係有效方法，洗手盆前大大隻字喺面貼住，我都識背啦！」陳經理問他：「咁用作保護自己保護他人嘅外科口罩，你又知幾多呢？」
李主任立即拿出一個新口罩示範︰「大部分外科口罩由三層物料組成，外層防液體飛濺，中層作為屏障阻擋病菌，內層吸收自己呼出的濕氣和水分。一般有顏色或摺紋向下的一面向外，有金屬條的一邊向上。所以口罩有分內外同上下，記住唔好反轉嚟用呀。使用時拉開口罩，要完全覆蓋口、鼻同下巴，同埋按壓金屬線使口罩緊貼面部。」
李主任繼續補充：「佩戴外科口罩後，應該避免觸摸口罩。若必須觸摸口罩，在觸摸前、後都要徹底潔手。記住外科口罩我哋唔應該重用，如有任何破損或者弄污都應該立即更換。除下的口罩就要棄置於有蓋垃圾桶內，然後立即潔手！」陳經理一邊翻查文件一邊笑說：「李主任，上年最多病假係你，果然熟能生巧喎！今年一定要多多保重呀！」
職業安全健康局
www.oshc.org.hk