唔少家長都時有批評學校濫收費用，而直資同私校收取費用原來「無王管」。申訴專員公署尋日話直資同私校用唔同嘅理由，例如學校擴建同添置器材等收取家長費用，但教育局竟然話唔使局方批准，畀申訴署批評同《教育規例》有矛盾後，局方先改口話有必要審批。老實講，教育局一直翹埋雙手唔做嘢，令家長無端端要付出更多額外開支，依家畀申訴署踢爆先話會做嘢，局長楊潤雄真係唔踢唔郁。
