油尖旺區議會副主席余德寶（Andy）尋日喺Facebook貼文，指內務會議同第二次區議會大會已經通過並生效，今屆議員必須出席一小時或多於百分之五十嘅會議時間先計出席率。相比以往只要出席一分鐘都可以當出席咗，新措施無疑係打擊啲淨係嚟打卡唔開會嘅議員，難怪Andy都形容為撥亂反正喇！
雙料議員或分身不暇
不過。呢個做法可能會搞到同路人，事關民主黨立法會議員涂謹申（阿涂）都係油尖旺區議員。雖然暫時油尖旺區議會大會都喺星期二開會，照計唔會同星期三、四嘅立法會大會同續會撞時間，之不過立法會同區議會都仲有其他小組委員會會議，阿涂分分鐘分身不暇。咁搞法會搞到同路人，係咪捉蟲呢？