Party Life:童心行善:亞太女企業家協會慈善拍賣

兒童成長嘅過程好影響未來嘅發展,亦都係社會需要關注嘅重要一環,而亞太女企業家協會(協會)早前就舉辦咗一個慈善拍賣會,將所籌得嘅善款捐畀慈善機構,用喺兒童發展配對基金嘅「青少年發展企業聯盟」項目,希望可以幫助一百名青少年。項目分為兩部分,其一係「有形資產」,主要係建立實踐其個人發展規劃,踏出佢哋完成夢想嘅第一步,而「無形資產」就係建立軟實力同就業力,先鬆土後栽種,為將來投身社會打好基礎。