公立醫院嘅醫護人員長期不足，而因為近期流感嘅關係，公院已經爆滿，再加上武漢爆發肺炎，而香港嘅疑似個案不斷上升，後知後覺嘅政府先識得補鑊，既加監測站又修例等等，食物及衞生局局長陳肇始尋日仲話已要求醫院管理局檢視醫護人手應對武漢肺炎。老實講，未踏入流感高峰期，公院床位已經爆晒，醫護人手更加爆煲，上任個多月嘅醫管局主席范鴻齡，一時間要應付流感同肺炎，肯定搞到一頭煙，唔知啲床位同人手喺邊度嚟呢？陳肇始交咗個波畀范鴻齡，係咪就可以撒手不管呢？
