熟悉日本AV片廠宣傳手法嘅AV迷，都知道佢哋習慣將女優嘅優點誇張再誇大，講到尾都係想搞噱頭。不過對於楓可憐嚟講，被稱為寫真女優身份出道，兼且係超清純系女優嘅佢，卻一啲都冇誇張o架！
日本AV片廠好多時見到女優個樣純品啲，就稱佢做超清晰系或超清純系，目的係等大家有個先入為主嘅印象，之後見到佢喺床上興奮到典床典蓆嘅反應時，就會產生極大嘅反差感。不過呢種所謂清純，卻往往係刻意營造出嚟，但係楓可憐就唔同喇，同片廠所稱嘅超清純感覺極度一致之餘，床上演出更係令人睇到有種甜蜜嘅感覺。
2018年9月出道拍寫真嘅楓可憐，散發出一股清純氣質，心口對32D美乳及一雙美腿勁吸睛，故此好快就被AV廠IdeaPocket睇中，經過一番游說後，佢終於答應下海拍AV，除咗因為更有「錢」途外，亦被廠方嘅誠意打動。原來當時適逢IdeaPocket成立20周年，於是便將楓可憐作為特別推介嘅新進女優，不但受到王牌女優嘅待遇，更安排大量宣傳活動，務求打造成一位王牌女優，而處女作《FIRST IMPRESSION 130》推出後，引嚟AV迷熱烈反應，正當一眾粉絲萬分期待佢一系列宣傳活動時，點知IdeaPocket突然宣布暫停，而楓可憐亦停止更新Twitter，究竟發生乜嘢事呢？
當時引嚟各種揣測，有人話可能係IdeaPocket出現問題，又可能係楓可憐嘅真實身份曝光，之但係雙方一直都冇回應。幸好一個月後，IdeaPocket再次為楓可憐安排各種宣傳活動，終於讓粉絲一睹佢嘅風采。唔少粉絲都大讚佢嘅真人比片中更有氣質，最難得就係佢相當親民。
有人話其實以佢嘅外形，喺寫真界發展仲有前途，點解會選擇投身AV界呢？原來佢有個秘密，就係視AV女優橋本有菜為偶像，而有次喺活動上見過對方後，發覺對方好有魅力，於是便萌生演出AV嘅念頭，因此當佢喺寫真界出道後冇耐，受到AV片廠邀請同埋喺對方開出條件嘅打動下，便決定投身AV界。有人就問佢如果喺AV界闖唔出名堂嘅話，會諗住做乜嘢？佢就話會做廚師，原來佢對烹飪相當有興趣，而喺拍寫真之前，本來諗住去修讀烹飪課程，希望將來能夠擁有自己嘅食店。不過睇佢家陣喺AV界嘅發展咁順利，睇嚟短時間內都唔使諗住投身飲食業喇。
出生地：東京
身高：162cm
三圍：32D-23-32
撰文：魂