中環出更:泛民區議員杯葛新春酒會 嘲劉江華垃圾

民政事務局新春酒會定於本月三十一日下午喺灣仔會展舉行,已陸續發出請柬,民主黨議員同唔少區議員收到邀請之後表明唔會出席,其中民主黨話社會氣氛差,唔想去咁喜慶嘅活動,中西區民主派區議員都發聲明拒絕出席,有屯門區議員更揶揄局長劉江華:「垃圾桶局長通街都有啦,使鬼去會展!」

話見唔到值得慶祝嘅事

中西區民主派區議員話政府堅決唔成立獨立調查委員會,拒絕調查自去年六月修例風波觸發嘅警民衝突,導致社會民怨沸騰,他好遺憾,此時此刻,見唔到值得慶祝嘅事。表明唔出席嘅中西區民主派區議員包括楊浩然、許智峯、任嘉兒、梁晃維、黃健菁、彭家浩、葉錦龍、黃永志、張啟昕和何致宏。佢哋仲講到,近日有報道話政府有意喺民政事務處屬下六十三個分區委員會每區增設五個委員席位,再由區議會落選建制派人士出任,批評對方漠視民意!話要局長出席區議會會議,交流意見先啱。

民主黨表明唔出席,而該黨嘅屯門區議員盧俊宇更加喺Facebook貼出邀請函,圖文並茂講明唔出席:「垃圾桶局長通街都有啦,使鬼去會展咩!」

卓妮

第一手消息請下載on.cc東網iPhone/iPad/Android/Windows Phone Apps