造價半億元嘅觀塘音樂噴泉項目一直爭議不休，雖則立法會財務委員會喺前年年底批出撥款，工程亦已展開，但仍然有唔少反對聲音要推倒重來，而新一屆觀塘區議會尋日召開首次會議，就已經通過暫停音樂噴泉嘅工程。突然間煞停工程，牽涉嘅問題好多，合約有冇問題、會唔會惹起訴訟呢？若果區議會日後要改變計劃又點搞呢？呢次民政事務局局長劉江華肯定好頭痕，唔知佢點拆招？
