政情：眼鏡三年先送貨 許華傑等到近視深咗

話說香港中華出入口商會副會長許華傑，日前喺Facebook上載咗張相，佢換咗新眼鏡，咦！新Look喎。有網友讚佢後生咗，但佢就話老咗。點解呢？原來副眼鏡喺外國訂嘅，但等咗三年先寄到嚟。

外國訂智能眼鏡 可接駁手機

乜嘢眼鏡咁巴閉？咪就係智能眼鏡囉！可以用藍牙接駁手機，郁吓眼鏡臂就可以接聽手機電話同聽音樂等等。佢話等咗三年，等到佢近視度數都變深咗，仲話當年係高科技，到咗今時今日就變得平平無奇嘞！

有網友問佢：「可唔可以介紹吓有啲乜嘢神奇嘅功效要等三年呢？」佢就回應話：「他們用了三年時間加深磨練了我的耐性和EQ，夠神奇不？」聽落都幾無奈呀！不過，佢就話當係支持下青年人創科啦！