修例風波持續近七個月仲未平息，各行各業大受打擊。有工會喺一個經濟論壇上大鬧政府只係顧住啲企業，卻對打工仔漠不關心，支援措施不足又離地，呢次勞工及福利局局長羅致光中晒箭。老實講，雖則政府推出咗四輪紓困措施，但外界狠批係小恩小惠，而無論旅遊業或零售業早前都預計喺農曆新年前會出現倒閉潮，連帶就係失業潮，打工仔被打爛飯碗必然怨氣大，羅致光再唔諗計幫打工仔保飯碗，必定會出亂子，到時唔知點收科？
