政情：公民講場：立會設小組𥄫實教材 楊潤雄咪旨意卸膊

依家唔少學生參與反修例嘅示威，有說係因為通識科教壞學生，所以外界一直有強烈嘅聲音要求政府檢視通識科教材或者轉做選修科，但係政府就意見接受，態度依舊。立法會教育事務委員會尋日通過成立小組委員會，研究幼稚園、中小學教科書及教材編製，審視係咪存在偏頗或失實嘅教材，小組成立之後必須跟進通識科嘅問題，教育局局長楊潤雄咪使旨意卸膊，事關小組必定篤住佢去審視教材，佢亦冇得借咗聾耳陳隻耳，扮聽唔到。