唔少家長都會安排仔女參加課外活動，其中辯論隊更加係熱門，但最近就有辯論比賽被批評過分政治化，甚至觸及香港獨立、重組警隊及特首辭職等敏感議題，嚇到有學校即刻退賽。不過，其實教育局模棱兩可嘅回應先最嚇人，局方回應話，若學校發現任何課外活動會對學生有不良影響，就應該勸學生唔好參加或者退出，但局方就冇回應呢個辯論比賽對學生有冇不良影響，亦冇指示相關學校使唔使勸學生唔好參加或退出比賽，講咗等於無講咁，究竟教育局局長楊潤雄唔敢回應吖？定係冇晒辦法呢？
