中環出更：黎智英平安夜攪局 再密會李漢奸
反修例風波持續逾半年仍未平息，尋晚平安夜都有示威衝突。喺社會亂局未平之際，被內地官媒批評為「叛國禍港四人幫」之首嘅壹傳媒黎智英（漢奸黎）近日頻頻攪局，喺平安夜都與同被內地官媒批評為「叛國禍港四人幫」嘅民主黨（白鴿黨）創黨主席李柱銘（李漢奸）喺其寓所密會。連平安夜都要見，真係唔知搞邊科喇。
楊森及多名外籍人士出席
李漢奸喺尋日傍晚約六時到達漢奸黎位於何文田嘅寓所，而白鴿黨楊森夫婦亦喺差唔多時間駕車到達。而前往黎宅嘅仲有漢奸黎親友，以及多名外籍人士。眾人喺黎宅約四個小時後先離開。
其實漢奸黎同李漢奸喺本月十三日都曾喺黎宅攪局，同場密會嘅亦有多名外籍人士，同埋因違法佔領行動案而被判囚八個月但緩刑兩年嘅白鴿黨前主席李永達，以及將漢奸黎部分捐款「袋住先」九個月嘅工黨前立法會議員李卓人等。尋晚二人又再次見面，唔知係咪又密謀乜嘢計劃去搞亂香港喇。
卓妮