政情：公民講場：無法惠及中小企 廢紙回收計劃離地

政府將喺明年中推出「廢紙回收服務計劃」，環保署日前簡介計劃詳情，但業界嘅反應並唔好，一來係經過半年社會氣氛已經蝕住做，有關計劃遠水救唔到近火，再者回收廢紙嘅噸數較高，可能只有大公司先做到，中小企隨時落標。業界嘅意見反映呢個計劃好有爭議性，若果計劃唔能夠幫到業界，又或者會出現唔公平嘅情況，咁明顯係環境局局長黃錦星諗得唔夠周詳，佢應該趁早睇吓有乜完善計劃嘅方法，否則又畀市民鬧離地。